ಬೆಂಗಳೂರು: ಬಿ.ಬಿ.ಬಿ. ಶ್ರೀಪರಶುರಾಮ ಒಕ್ಕೂಟದ ವತಿಯಿಂದ ಶ್ರೀಮಠದ ಬೆಂಗಳೂರು ಶಾಖೆ ಶ್ರೀರಾಮಾಶ್ರಮದ ಸಹಯೋಗದೊಂದಿಗೆ ಪುನರ್ವಸು ಭವನದಲ್ಲಿ ಪ್ರಥಮೈಕಾದಶಿಯಂದು (25-07-2026) ಶ್ರೀವಿಷ್ಣುಸಹಸ್ರನಾಮ ಪಾರಾಯಣ ನೆರವೇರಿತು.
ಮಧ್ಯಾಹ್ನ 3.00 ರಿಂದ ಸಂಜೆ 8.30 ರವರೆಗೆ ಎರಡು ಆವರ್ತನೆಗಳಲ್ಲಿ 5 ಬಾರಿ ಪಾರಾಯಣ ನಡೆಯಿತು. ಮೊದಲ ಆವರ್ತನೆ ಮಧ್ಯಾಹ್ನ 3.00 ರಿಂದ 5.30 ವರೆಗೆ ನಡೆದರೆ, 2 ನೇ ಆವರ್ತನೆ ಸಂಜೆ 6.00 ರಿಂದ 8.30 ವರೆಗೆ ನಡೆಯಿತು. 500ಕ್ಕೂ ಹೆಚ್ಚು ಮಂದಿ ಈ ವಿಶೇಷ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಒಟ್ಟು 3000ಕ್ಕೂ ಹೆಚ್ಚು ಶ್ರೀವಿಷ್ಣುಸಹಸ್ರನಾಮ ಪಾರಾಯಣ ಭವ್ಯವಾಗಿ ಸಂಪನ್ನಗೊಂಡಿತು.
ಕಾರ್ಯಕ್ರಮದ ಅನಂತರ ಮಹಾಪೂಜೆ ನಡೆದು, ಭಕ್ತಾದಿಗಳಿಗೆ ಮಹಾಪ್ರಸಾದವನ್ನು ವಿತರಿಸಲಾಯಿತು. ಈ ಕಾರ್ಯಕ್ರಮದ ಯಶಸ್ಸಿಗೆ ಕಾರಣರಾದ ಶ್ರೀಮಠದ ಕಾರ್ಯಕರ್ತರಿಗೆ, ದಾನಿಗಳಿಗೆ ಹಾಗೂ ಭಾಗವಹಿಸಿದ ಭಕ್ತರಿಗೆ ಆಯೋಜಕರು ಹೃತ್ಪೂರ್ವಕ ಕೃತಜ್ಞತೆ ಸಲ್ಲಿಸಿದರು. ಇಂತಹ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಮುಂದಿನ ದಿನಗಳಲ್ಲಿಯೂ ಆಯೋಜಿಸುವ ಸಂಕಲ್ಪವನ್ನು ಅವರು ವ್ಯಕ್ತಪಡಿಸಿದರು.
