Category: उपासना

मुल्लेरियाहव्यकमण्डलस्य चन्द्रगिरिवलयस्थे ‘अनघा’ नाम्नि गीतालक्ष्मीदिनेशभट्टयोः निवासे 20.12.2018 तमे दिनाङ्के प्रदोषरुद्रपठनम् प्रवृत्तम्। वलयस्य वैदिकप्रधानस्य नरसिंहराजस्य नायकत्वे 22 रुद्रपाठकैः श्रीरुद्रसूक्तं पठितम्। श्रीरुद्रस्य अभिषेकपूजनमपि प्रवर्तितम्।   18 मातरः बालैः सह भजनरामायणपारायणम् कृतवत्यः।    

होसनगरम् – होसनगरस्य श्रीरामचन्द्रापुरमठस्य श्रीभारतीगुरुकुले २०/१२/२०१८तमे दिनाङ्के सौम्यवासरे अष्टावधानसेवासहिता प्रदोषपूजा सुसम्पन्ना । वेद, शास्त्र, पुराण, अष्टक, सङ्गीत, वेणु, वीणा, मृदङ्ग, भरतनाट्यसहिता अष्टावधानसेवा अभवत् ।

गोकर्णम् – श्रीसंस्थानाधीश्वराणां मार्गदर्शने श्रीक्षेत्रे गेकार्णे श्रीमहाबलेश्वरदेवालायस्य परिसरे विद्यमानाय श्रीगुरुदत्तात्रयदेवाय विशेषरीत्या पूजा समर्पिता ।   वेदमूर्तिः शितिकण्ठहिरेभट्टवर्यः पूजां समाचरत् । सन्दर्भे$स्मिन् प्राशासनिकाधिकारी जी. के. हेगडेवर्यः, उपाधिवन्मण्डलस्य सदस्याश्च उपस्थिता आसन् |

बेङ्गलूरु – पूर्वाचार्याः श्रीराघवेन्द्रभारतीमहास्वामिनः विद्याप्रीताः । वेदवेदाङ्गेषु अतिशयासक्तिशीलाः आसन् । अतः प्रतिवत्सरं तेषामाराधनायाः पुण्यावसरे देशस्यास्य कस्मैचन श्रेष्ठविदुषे श्रीराघवेन्द्रभारतीपाण्डित्यपुरस्कारप्रदानेन तेषां संस्मरणकार्यं श्रीमठेन निरन्तरं निरन्तरायं प्रचलदस्तीति श्रीसंस्थानाधीश्वराः अवदन् ।   गिरिनगरस्थे श्रीरामाश्रमे मार्गशीर्षशुक्लाष्टम्यां शनिवासरे, १५.१२.२०१८ तमे दिनाङ्के सञ्चालितस्य ब्रह्मैक्यजगद्गुरुशङ्कराचार्यश्रीराघवेन्द्रभारतीमहास्वामिनाम् आराधनामहोत्सवस्य धर्मसभायाः दिव्यसान्निध्यं निरूह्य प्रथितविदुषे केरेकै उमाकान्तभट्टवर्याय श्रीराघवेन्द्रभारतीपाण्डित्यपुरस्कारं प्रदाय श्रीसंस्थानाधीश्वराः इदमवोचन् यत् – “विद्वान् उमाकान्तभट्टः मैसूरुनगरस्थस्य विख्यातविद्वद्वरेण्यस्य रामभद्राचार्यस्य […]

बेङ्गलूरु – मङ्गलगोयात्रायाः सविवरणस्मारकं ‘सन्मङ्गलं’ गिरिनगरस्थे श्रीरामाश्रमे ०१.१२.२०१८ तमे दिनाङ्के लोकार्पितमभवत् ।   भारतीयगोवंशसंरक्षणार्थं श्रीसंस्थानाधीश्वरैः आरब्धेषु महत्कार्येषु नाना गोयात्राः प्रमुखतमाः । गोकारणात् समारब्धे प्रथमस्वातन्त्र्यसङ्ग्रामे प्रमुखनायकस्य मङ्गलपाण्डेमहोदयस्य स्मरणार्थं ‘मङ्गलगोयात्रा’ इति नाम्ना गोयात्रा २०१६ नवेम्बरमासादारभ्य २०१७ जनवरिपर्यन्तं राज्ये सर्वत्र सञ्चरितासीत् । इयं गोयात्रा २०१७ जनवरिमासस्य २७ दिनाङ्कतः २९ पर्यन्तं मङ्गलूरुमहानगरे मङ्गलभूमौ महामङ्गलकार्यक्रमद्वारा सुसम्पन्नाभूत् । अस्याः मङ्गलगोयात्रायाः मधुरस्मरणार्थं […]

ब्रह्मलीनानां परमगुरूणां श्रीमज्जगद्गुरुशङ्कराचार्यश्रीराघवेन्द्रभारतीमहास्वामिनां सांवत्सरिकः आराधनामहोत्सवः विलम्बसंवत्सरस्य मार्गशिरशुक्लाष्टम्यां स्थिरवासरे, १५.१२.२०१८ तमे दिनाङ्के आचरिष्यते ।   अयमाराधनामहोत्सवः गिरिनगरस्थे श्रीरामाश्रमे श्रीमज्जगद्गुरुशङ्कराचार्यश्रीराघवेश्वरभारतीमहास्वामिनां दिव्यसान्निध्ये भविष्यति ।   पश्चात् प्रचालयिष्यमाणायां धर्मसभायां श्रीराघवेन्द्रभारतीपाण्डित्यपुरस्कारः, श्रीसंस्थानाधीश्वराणामाशीर्वचनं, श्रीपरम्परानुग्रहः, मन्त्राक्षतानुग्रहः चेत्यादयः कार्यक्रमाः सम्पत्स्यन्ते ।   श्रीमठस्य शिष्यभक्ताः अस्मिन् महोत्सवे भागिनो भूत्वा श्रीगुरुदेवतानुग्रहं प्राप्नुवन्तु इति श्रीमठस्य उत्सवकार्यदर्शी हिरेमने शान्तारामवर्यः विज्ञापितवान् ।