Category: शिक्षणं

गुरुकुले आर्जितस्य शिक्षणस्य नैजजीवने अनुष्ठानार्थं प्रयतन्ताम् इति कर्नाटकसंस्कृतविश्वविद्यालयस्य सहायकप्राध्यापकः डा. मञ्जुनाथभट्टः गुरुकुलान्तेवासिनः उदबोधयत् । पश्चात् सः स्वात्मजायाः जन्मदिनं निमित्तीकृत्य विशिष्टाम् अंहतिं प्राददात् ।   मालूरुवासिनी वसुन्धराशर्ममहोदया छात्राणां कौशलविकासाय गुरुकुले सप्ताहात्मकं करकौशलप्रशिक्षणं व्यदधात् ।   प्रतिभानुसभाङ्गत्वेन सुशाखावृन्दस्य विद्यार्थिनः ‘मूर्तिपूजारहस्यम्’ इति नाटकम् अभ्यनयन् । अङ्कुरवृन्दस्य विद्यार्थिन्यः ‘ओनके ओबव्व’ इति नाटकम् अभ्यनटिषुः ।

भान्कुलि – मूरूरुस्थस्य प्रगतिविद्यालयस्य द्वितीय-तृतीय-चतुर्थ-पञ्चमकक्ष्यासु अधीयानाः सार्धैकशतं छात्राः शैक्षिकयात्रानिमित्तेन गोस्वर्गमागताः । बालाः सर्वे स्वर्गसौन्दर्यास्वादनेन साकं गोभिः गोवत्सैश्च सह सङ्गत्या नितान्तमानन्दम् अन्वभवन् ।

  भान्कुलि – श्रीरामसेनायाः मार्गदर्शने गोस्वर्गे योगस्य व्यक्तित्वविकासस्य च सप्तदिनात्मकः प्रशिक्षणवर्गः ०२.१२.२०१८ दिनाङ्के समारब्धः । श्रीरामसेनायाः अध्यक्षः प्रमोदमुतालिकवर्यः वर्गमिमं समुद्घाट्य गोस्वर्गे विहारं कृत्वा गोस्वर्गस्य सम्पूर्णं परिचयमवाप्नोत् ।

विद्याभ्यासानुवर्तनार्थम् आर्थिकसमस्याम् अनुभवद्भ्यः श्रीमठशिष्येभ्यः प्रतिभाशालिभ्यः छात्रेभ्यः श्रीरामचन्द्रापुरमठः प्रतिवर्षमिव अस्मिन् वर्षेsपि साहाय्यं कर्तुं समुद्यतोsस्ति । २०१८ – १९ तमस्य हायनस्य प्रेप्सुभ्यः अर्हेभ्यः २२१ छात्रेभ्यः ९,३६,००० रूप्यकाणां धनराशिः प्रकल्पितः वर्तते ।   ११.११.२०१८ तमे दिनाङ्के भानुवासरे हव्यकमहामण्डलस्य सप्तमण्डलेषु अार्थिकसाहाय्यधनस्य धनादेशपत्राणि प्रदत्तानि ।   कुमटा-होन्नावर-मङ्गलूरु-उप्पिनङ्गडि-मुल्लेरिया-उत्तरबेङ्गलूरु-दक्षिणबेङ्गलूरुमण्डलानां १७३ छात्रेभ्यः ६,७०,००० रूप्यकाणां धनराशेः वितरणमभवत् । सन्दर्भेsस्मिन् हव्यकमहामण्डलस्य विविधमण्डलानां च पदाधिकारिणः समुपस्थिताः […]

दक्षिणबेङ्गलूरुहव्यकमण्डलान्तर्गतस्य श्रीगिरिनगरहव्यकवलयस्य निवासी मैत्रेयः हेगडे, जर्मनिदेशे प्रवृत्ते ‘इण्टर्न्यशनल् आस्ट्रोनाटिकल् काङ्ग्रेस् समावेशे’ भागमूढ्वा ‘अन्तरिक्षे सूक्ष्माणुजीविनां चर्या’ (Behavior of bacteria in space) इत्यस्मिन् विषये प्रबन्धं मण्डयित्वा विज्ञानिनां प्रशंसाभाजनमभवत् । अपि च एतादृशान्ताराष्ट्रियसमर्जनार्थं श्रीसंस्थानाधीश्वराणां विशेषानुग्रहपात्रतां गतः । छात्रोऽयं दक्षिणबेङ्गलूरुहव्यकमण्डलस्य प्रधानकार्यदर्शिनः अन्त्रवल्ली श्रीकान्तः हेगडे-कमलिनी हेगडे दम्पत्योः पुत्रः ।  

  बदियड्क – नवम्बरमासस्य २३ तमे दिनाङ्के श्रीभारतीविद्यापीठे मातापितृपूजा श्रद्धाभक्तिभ्यां सुसम्पन्ना ।   विद्यापीठस्य मुख्याध्यापकः सत्यनारायणशर्मपञ्जित्तड्कवर्यः पूजायाः विधानमुक्त्वा पुत्रैः मातापित्रोः पादपूजां कारयित्वा प्रतिज्ञाविधिं प्राबोधयत् ।   प्रतिज्ञाविधौ पुत्राः “मातापितरौ अस्माकं प्रत्यक्षदेवौ । तयोराशीर्वादेन जीवने किमपि वा साधयितुं शक्यते । अपि च वयं मातापित्रोः वार्धक्ये तयोः सम्यक् परिपालनं करिष्यमः” इति मातापित्रोः पादस्पर्शं कृत्वा प्रतिज्ञामकुर्वन् । सन्दर्भेsस्मिन् […]

मूरूरु – अङ्कोलाप्रदेशे सञ्चालितायां मण्डलस्तरीयायां प्रतिभाकारञ्जिनाम्न्यां प्रतिभोत्सस्पर्धाशृङ्खलायां मूरूरुस्थस्य प्रगतिविद्यालयस्य विद्यार्थिनः अनुपमां प्रतिभां प्रदर्श्य महद्यशः अविन्दन् ।   प्रगतिविद्यालयस्य आङ्ग्लमाध्यमशाखायाः उच्चप्राथमिकशालायाः सृजननाय्काख्यः छात्रः छद्मवेषस्पर्धायां भागमूढ्वा प्रथमस्थानम् अलभत ।   प्रौढशालाविभागे अश्विनी भैरव हेगडे नील्कोड इत्याख्या छात्रा कन्नडचर्चास्पर्धायां द्वितीयस्थानं प्राप्नोत् ।   एतेषां छात्राणां समर्जनमभिलक्ष्य मुख्याध्यापकः शिक्षकाः शालाप्रशासनमण्डलीसदस्याः कर्मिणश्च शुभमाशास्य छात्रान् अभ्यनन्दन् ।

  कुमटा – मूरूरुस्थप्रगतिविद्यालयस्य आङ्ग्लमाध्यमे दशमकक्ष्यायामधीयानः अभि आर्. अडिगुण्डिनामा छात्रः राज्यस्तरीयचक्रक्षेपणस्पर्धायां प्रथमस्थानं प्राप्य राष्ट्रस्तरीयस्पर्धायै अर्हः अभवत् । मण्ड्यमण्डलस्य आदिचुञ्चनगिरिविद्यासंस्थायाः क्रीडाङ्गणे नवम्बरमासस्य २१, २२ तमेषु दिनाङ्केषु राज्यस्तरीयप्रौढशालाशिक्षणविभागद्वारा प्रचालितायां राज्यस्तरीयक्रीडास्पर्धावल्यां भागमूढ्वा अभि आर्. ३९.७५ मीटर् दूरे चक्रं क्षिप्त्वा प्रथमस्थानं प्राप्य देहल्यां प्रचलिष्यमाणराष्ट्रस्तरीयस्पर्धायै चितो जातः ।   २०१६ – १७ शैक्षिकवर्षेऽपि असौ अभि आर्. राष्ट्रस्तरे चक्रक्षेपणे राज्यस्य प्रतिनिधित्वेन […]

नल्यपदवु – पठ्यमननस्य विधानानि, परीक्षायाः सम्मुखीकरणस्य उपायाः, दशमकक्ष्यायाः परं सम्मुखीक्रियमाणानि पन्थाह्वानानि, लप्स्यमानाः अवसराः चेत्येतेषां विषये संस्थायाः शिक्षणसंयोजकः प्राध्यापकः विश्वेश्वरभट्टवर्यः छात्रान् उदबोधयत् ।   श्रीभारतीसमूहसंस्थानां प्रेरणानामकेन मानवसम्पन्मूलाभिवृद्धिघटकेन नल्यपदवुग्रामस्य सर्वकारीयप्रौढशालायां प्रवर्तिते कार्यागारे ‘भयेन विना आत्मविश्वासेन परीक्षा सम्मुखीकरणीया’ इति सः उपादिशत् ।   कार्यागारे मुख्याध्यापिका विजयकुमारी, गणकशास्त्रोपन्यासकः अनन्तनारायणः, उपन्यासिका माधवी च उपस्थिताः अवर्तन्त ।

बेङ्गलूरू – अद्यतनीयछात्राणां पठनाभ्यासवर्धनाय हम्पिनगरस्थश्रीभारतीविद्यालयं प्रति गोस्वर्गचातुर्मास्यप्रशस्तिपुरस्कृतया शिक्षणविदुष्या डा. शारदाजयगोविन्दमहाभागया २५००० सहस्ररूप्यकमौल्ययुतानि १६३ पुस्तकानि दानरूपेण प्रदत्तानि ।   विद्यालयस्य प्रशासनकूटस्य सदस्या डा. शारदाजयगोविन्दमहाभागा उत्तमपुस्तकानाम् उपायनं दत्वा पुस्तकानामध्ययनेन नैजज्ञानसंवर्धनं सम्पादयन्त्विति छात्रानुद्दिश्य हितोपदेशमगादीत् ।   विद्यालयपक्षतः उपप्राचार्यः हरीशकुमारः अस्यै कृतज्ञतापत्रं प्रदाय गौरवार्पणमकरोत् । सन्दर्भेऽस्मिन् शारदाजयगोविन्दमहाभागा श्रीभारतीविद्यालये प्रवृत्तायां कार्यशालायां भागमूढ्वा गुणवत्तानिर्वहणम् इत्यस्मिन् विषये शिक्षकवृन्दस्य मार्गदर्शनमकरोत् ।   विविधक्रियाकलापानां […]