बदियड्क – नवम्बरमासस्य २३ तमे दिनाङ्के श्रीभारतीविद्यापीठे मातापितृपूजा श्रद्धाभक्तिभ्यां सुसम्पन्ना ।
विद्यापीठस्य मुख्याध्यापकः सत्यनारायणशर्मपञ्जित्तड्कवर्यः पूजायाः विधानमुक्त्वा पुत्रैः मातापित्रोः पादपूजां कारयित्वा प्रतिज्ञाविधिं प्राबोधयत् ।
प्रतिज्ञाविधौ पुत्राः “मातापितरौ अस्माकं प्रत्यक्षदेवौ । तयोराशीर्वादेन जीवने किमपि वा साधयितुं शक्यते । अपि च वयं मातापित्रोः वार्धक्ये तयोः सम्यक् परिपालनं करिष्यमः” इति मातापित्रोः पादस्पर्शं कृत्वा प्रतिज्ञामकुर्वन् ।
सन्दर्भेsस्मिन् भावुकाः मातापितरः पुत्रान् अभिनन्द्य आशिषः अवदन् ।
विद्यापीठस्य प्रशासनमण्डल्याः सदस्यः श्यामभट्टबेर्कडवुवर्यः “एतादृशे विशिष्टे कार्यक्रमे उपस्थाय प्रसन्नोsस्मि । एवमेव पुत्राः मातापित्रोः विद्यालयस्य च कीर्तिवर्धककार्याणि कुर्वन्तु” इति उपादिशत् ।
दशमकक्ष्यायाः विद्यार्थिनः कार्यक्रमममुं समायोजयन् ।
