Category: शिक्षणं

मुजुङ्गावु – नवम्बरमासस्य १४ तमे दिनाङ्के मुजुङ्गावुस्थेन श्रीभारतीविद्यापीठेन वैशिष्ट्येन विभिन्नशैल्या च बालदिवसः समाचरितः । तस्मिन् दिने बालानां विविधप्रतिभाप्रदर्शनाय ‘चीटिकां चिन्वन्तु – पात्रम् अभिनयन्तु’, चीटिकां चिन्वन्तु – आशु भाषन्ताम्’ इत्यादिविशिष्टस्पर्धाः समायोजिताः । चितचीटिकया प्राप्तविषयम् आधारीकृत्य बालाः अभिनयं भाषणञ्च अकुर्वन् । पश्चात् कार्यक्रमे विद्यासंस्थायाः प्रशासनाधिकारी श्यामभट्टः दर्भे मार्गमहोदयः बालदिवसस्य बालानां सर्वाङ्गीणविकासस्य च महत्त्वमभाषत ।   कार्यक्रमस्यान्ते सर्वेभ्यः […]

उत्तरकन्नडमण्डलस्य सिद्धापुरजनपदे सहस्राधिकगवां स्वच्छन्दसाम्राज्ये सप्तदेवतानां सान्निध्ये गोस्वर्गे कर्नाटकराज्यस्य गोपरिवारस्य आश्रये नवम्बरमासस्य २३, २४, २५ दिनाङ्केषु गव्योत्पन्नानां निर्माणार्थं प्रशिक्षणशिबिरम् आयोजितं वर्तते ।   शिबिरेऽस्मिन् गवां महत्त्वमभिलक्ष्य बोधनेन सह गोमूत्रगोमयादीनि समुपयुज्य आरोग्यं कृषिः प्रकृतिसमृद्धिः इत्यादिषु क्षेत्रेषु अनुप्रयोगयोग्यानां गव्योत्पन्नानां निर्माणविषये प्रत्यक्षविधिना प्रशिक्षणं प्रदीयते । त्रिदिवसीये शिबिरे शिबिरार्थिनां कृते सामूहिकावासभोजनादिव्यवस्थाः प्रकल्प्यन्ते ।   इच्छुकाः नवम्बरमासस्य विंशतिदिनाङ्कात् प्राक् निश्चितशुल्कं प्रदाय […]

उरुवालु – अत्रस्थायां श्रीभारतीविद्यासंस्थायां कन्नडराज्योत्सवम् अर्थपूर्णरीत्या आचरितवन्तः। नवम्बरमासे प्रथमे दिनाङ्के सानुदानोच्चप्राथमिकशालायाः आङ्ग्लमाध्यमशालायाश्च सहयोगेन सञ्चालितं राज्योत्सवकार्यक्रमममुं विद्यार्थिनः राज्यगीतगानपूर्वकं प्रारभन्त। राज्योत्सवाचरणस्य मूलकारणभूतायाः कर्नाटकस्य एकतायाः विषये विद्यासंस्थायाः मुख्यशिक्षिका श्रीमती जयलक्ष्मीः, सहशिक्षिका श्रीमती कमरुन्नीसा, श्रीलक्ष्मणगौडः च विवरणं दत्तवन्तः । शालासंसदः विरोधपक्षस्य नायकः कार्तिकः राज्योत्सवस्य महत्त्वम् अगदत् । उभयशालायाः छात्राः कर्नाटकराज्यस्य अवनिवनजलादीनां महत्त्वप्रतिपादकानि गीतनि अगायन् । शालायाः प्रशासनसमितेः अध्यक्षः श्रीमान् […]

बेङ्गलूरु – बालकेषु संस्कारवपनार्थं जन्मदात्रोः महत्त्वज्ञापनाय च श्रीरामाचन्द्रापुरमठस्य अङ्गसंस्थायां श्रीभारातीविद्यालये मातापित्रोः पूजनमिति विशिष्टः कार्यक्रमः समायोजितः । कन्नडराज्योत्सवस्य शुभदिनेऽस्मिन् पादप्रक्षालनपूर्वकं पितरौ पूजितवन्तः बालाः । आजीवनं पित्रोः परिपालनं सगौरवं सादरं च कुर्मः इति शपथग्रहणं च ते अकुर्वन् । विनश्यन्त्याः भारतीयसंस्कृतेः रक्षणार्थं बालकेषु अस्माकं संस्कृतेः सम्प्रदायस्य च विषये ज्ञानमुत्पादयितुं च परमपूज्यानां श्रीसंस्थानाधीश्वराणां दिव्यमार्गदर्शने कार्यक्रमोऽयं समायोजितः आसीत् । मातापितृपूजातः […]